August 25, 2020. Indonesian resort island Bali te thaka toh international tourists khan ke September moina para ahiboli debo thaka aro postponed kurishe. Desh government para fesla loikena etu saal dak roki thakiboli koishe. Postponement kora toh Bali Governor Wayan Koster junai thishe aro Xinhua news agency para khobor toh koishe. “desh government para manuh khan ke bahar jaboli rokaina ase aro etu bondh kora toh etu saal 2020 last dak roki thakiboli koishe. “etu policy oper te, ami khan para international manuh logot be gate toh kuli debo napareh aro etu saal 2020 kotom nahowah dak hobo, keli koile Indonesia, aro Bali te melaikena situation toh manuh khan ke ahiboli thiboli safe nai” koikena tai koishe. July 5 darik din te, Koster para local media logot koishe ke, tai laga administration khan para Bali toh aro September 11 darik para kuliboli thakishe, hoilebi, government para fesla loikena foreigners manuh khan ke olop mnoina nemite ahiboli bondh kurishe, keli koile Covid-19 bemari cases toh besi otha nemite. Resort island te dosmestic tourism toh July 31 darik para aro kuli thishe. Monday din dak Bali te Covid-19 bemari cases toh 4,576 khobor thakishe aro 52 manuh morikena ase koishe.
Add Comment