February 8, 2026: Nick Ball kun WBA featherweight laga world champion thake she, tai ke Brandon Figueroa para harai de she 12th round te, Liverpool te khelea homoi.
Tai jun 11 round karne toh ekjun ekjun ke thik para mare thake she, hoile be 12th round te Figueroa para chance bhal besare kena round toh gorai de she, aro Ball ke harai de she. Final round laga seconds shuru homoi, Figueroa para ekta left punch mare kena Ball ke mate te gerai de she. Ball toh uthe bole pare she, hoile be tai olop hele thake she, Figueroa para combination khan aro marea piche. Referee para match toh rokhai de she. Aro Figueroa jete jai she. Etu match toh M&S Bank Arena te khele she.
Liverpool toh Nick Ball laga jaga ase, tai match harea piche manu khan beer aro alak saman khan phekha shuru hoi she, aro Ball laga team be khushe pai ne thake nai. Match khotom ho piche Figueroa para koi she ki, Nick Ball toh sob se dangor Liverpool champion ase, aro sob se bhal England laga boxer ase. Tai Ball ke khale respect ase koi she.
Add Comment