Baltimore te Gas boti-kena 1 jun morishe aro 7 jun jokom paishe

August 11, 2020. Monday din Baltimore te natural gas botikena tinta(3) ghor beya kuri thishe. Etu samay maiki manuh ek jun morishe aro dosura manuh khan fasikena ase. Komti hoilebi choita(6) besi serious jokom paishe. Firefighters khan para aro manuh besari ase koishe. Charta(4) ghor wala tuh orai thishe aro window tuh besi beya para botaishe. Northwest laga Baltimore osor Reisterstown Station tuh be glass aro dosura saman tuh alak- alak kuri thishe. “besi beya kuri thishe, besas kuribo napare”, koikena Diane Glover, etu chaka osor te thaka manuh para koishe. Tai ghor laga windows aro ake doorja sob orai thishe. “ami etai be kapi ase.” tai olop gonda thakina koishe. Sath(7) jun manuh hospitalized hoishe aro maiki ek jun tuh chaka te morishe, koikena department para Twitter page janai thishe. Etu samay, ke para olaishe jana nai. Baltimore Sun para koishe ke, jaa saal, tangor gas leaks hoikena aro hoi thaki. Baltimore Gas aro Electric Co khan laga hath te pipes tuh miles neshina ase aro etu botli kuriboli ase, etu kam te $1 billion neshina jabo aro tui decades samay lobo koikena newspaper para koishe. Monday din statement para koishe ke, gas laga koon tuh pujur dak te eku khobor paa nai aro BGE khan logot ghor beya kura chaka para be khobor eku aha nai koishe. BGE para koishe ke, fire department khan para gas aro electric service tuh safe nemite bondh kuriboli kotha tuh manishe. Glover, 56 umer aro tai laga baba Moses Glover, 77 umer tuh ghor te thakishe, etu botha samay tai khan ghor sob helai thishe aro fan aro DVDs tuh orai thishe koishe.