November 17,2020: India’s premier educational institutions khan etu te IITs, IIMs & NITs laga students groups khan ek sat milikena ekta idea olaishe student khan ke modot kuribole nimete ekta career bonabole nimete tai khan financial condition diya hisab te .
Etu group khan bhabona kuri ase etu students khan ke modot kuribole nimete Covid-19 induced crisis karne kuntu para bishi wala students khan ke biya para dikdaar dishe.
Tai khan para National Level Common Entrance Examination (NLCEE), kuntu toh loishe talented students khan ke bisaribole nimete aro dukhia manu khan ke modot kuribole nimete.
Etu NLCEE laga sores toh khali ekta result ase desh te kuntu toh thousands nishena Institutes aro centres para manishe.
Students khan para tai khan laga score aro results chulabole paribo coaching centres te admission lobole nimete.
Etu toh NLCEE laga second round ase kuntu toh November 26 to 30, 2020 tak lobole ase.etu sal laga exam toh Online mode te hi lobole ase aro student khan time slot chunibole paribo ekta darek te tai laga convienience hisaab te.
Sob student khan logote right thakibo ek slot te examination dibole nimete.komti hoilebi 2700 coaching institutes khan etu examination te bhaagh lobo aro students admission lobo tai khan laga NLCEE rank hisaab te aro etu uporte top rankers khan ke 100 percent scholarship khan dibo.
Ravi Nishant, founder, EDVIZO, Bengaluru para koikena janaishe “students khan ke mondangor kuribole nimete ami khan aro bi bhabona kuri ase enam khan etu te laptops, tablets, smart phones, watches etc dibole nimete,etu students kun khan classes 9 to 12 te pudi ase online te apply kuribole paribo ami khan laga website nlcee.org te login kurikena nohoile toh school authorities khan logote kotha kuribole paribo offline registration nimete.”
Tai para koikena janaishe “ami khan laga commitment social cause aro upliftment nimete etu registration fee toh komti kurishe Rs 50 maiki students nimete aro Rs 100 mota students nimete ase.”
Add Comment