BANGKOK: Sources koishe ke Wednesday din te Bangkok te jui laga nimite duita manu murishe aro 16 manu khan jokom hoishe. Etu jui toh Bangkok laga shopping centre te Wednesday din te lagishe. Jui nimite manu khan building para bachibole nimite jump bhi marishe.
Agay te authorities koishe ke etu jui nimite teenta manu khan murishe.
Operator Central Pattana koishe ke Central World Complex toh khali kuribole dishe. Etu Complex te shopping mall, offices, aro hotel ase.
Bangkok Governor Aswin Kwanmuang para jui laga jaga para reporters khan ke koishe ke building toh surukshit nohuwa tok bon kuri kena rakhibo koishe. Ami khan dekhishe ke jui para building kay ki kuri dishe etu nimite police khan jai kena building bhitor te chanbin kuribo koishe.
Local media para video duwara dekhaishe ke jiui para bachibole nimite ekta manu toh building para jump mari dishe.
Reuters koishe ke Thanusit Kidtham para koishe tai para building para duita manu ke building para jump mara dekhishe koishe.
Police koishe ke jui toh complex laga gari rakha jaga para olaishe aro etu jui toh ke para olaishe etu toh etiya bhi najani kena ase.
Add Comment