Bangladesh: 30,000 Hindus dangor ekta rally kuri shae

November 1, 2024: Friday din deh hazar nishi nah minority Hindus kan ekta rally kuri shae. Etu rally tho taikan keh protect kuri bole demand deh lua ase, Muslim-majority Bangladesh jaka deh. Etu demand tho taikan interim government keh mangi shae, Hindu community leaders kan laka against hamla aro harassment kan hua karne.30,000 nishi nah Hindus kan Cattogram laka ekta major intersection deh demonstrate kuri shae. Hindus kan taikan laka rights keh demand kuri nah slogans kan hala kuri taki shae. Enaka hua time deh, police aro soldiers kan jaka keh guard kuri taki shae. Country laka alak jaka kan deh b alak protest kan keh report kuri shae.Hindu groups kan para August mohina para shuru kuri nah Hindus laka against hazar nishi nah hamla kan hui shae kui shae, Prime Minister Sheikh Hasina laka secular government kan keh overthrow kura time deh. Muhammad Yunus, kun interim government keh lead kuri ase, tai para utu numbers kan tho misa ase kui shae.Country laka influential minority group Bangladesh Hindu Buddhist Christian Unity Council para August 4 din para Hindus laka against 2,000 hamla kan hui shae kui shae. United Nations human rights officials aro alak rights group kan para country laka human rights upor deh taikan laka jinta kan heh janai di nah ase.Hindus aro alak minority communities kan para interim government kan taikan keh bhal para protect kura nai kui shae aro hard-line Islamist kan Hasina ola piche deh aro kara hui ase kui shae.