Bangladesh Hindus keh target kuri shae: 49 teachers keh resign kuri bo di shae

September 1, 2024: Bangladesh deh situation tho minority communities kan karne aro dictar hui ase, especially Hindus kan karne. Situation tho Sheikh Hasina-led government, August 5 din deh giri jah piche deh bia hua shuru hui shae. Etu piche deh, minority communities para kom seh kom 49 teachers kan keh resign kuri bo di shae aro kun bah tho physical attacks b face kuir shae, media reports laka isap deh. Hoile b, 19 jun keh tho piche deh reinstate kuri di shae, Dality Star Newspaper para Bangladesh Chhatra Oikya Parishad laka coordinator Sajib Sarkar keh quote kuri shae. Sarkar para religious aro ethnic minorities kan attacks, looting, assault, temples laka vandalism aro business , ghor kan deh arson attacks kan face kuri shae kui shae, etu time deh. Sheikh Hasina, kun former Prime Minister taki shae, tai resign kuri nah India deh polai jaj piche deh, minorities kan laka situation tho bia hui jai shae. Student laka protest tho violent hui jai shae aro Hindus, Buddhist aro Christians nishi nah ethnic aro religious minorities keh target kura shuru hui jai shae. Bangladesh Hindu Buddhist Christian Unity Council aro Bangladesh Puja Udjapan Parishad organisations para compile kura data isap deh, minority community laka members kan kom seh kom hamla laka 205 incidents tho face kuri shae, 52 districts deh.