Dhaka: November 5, 2020. Thursday din Bangladesh para Serum Institute of India logot deal ekta signed korishe koishe. British drugmaker AstraZeneca para bona coronavirus vaccine toh 30 million doses keniboli fesla loishe koishe. AstraZeneca laga experimental COVID-19 vaccine toh novel coronavirus kelaaf te sobse bhal candidates koikena ase. “ketai vaccine toh tayaar hobo, Serum Institute para first phase te ami khan logot 30 million doses thiboli ase,” koikena health minister Zahid Maleque para Dakha te signed kora beche reporters logot janai thishe. Tai aro koishe ke, hotai moina 5 million tawai toh Bangladesh tawai bona Beximco Pharmaceuticals para kenibo. Maleque koishe ke, “ami khan 15 million manuh logot vaccine tuita shot toh 28 din beche thiboli ase”. Serum Institute para vaccine toh India logot lowa laga dham para thibo. Khobor koishe, tawai dham toh $4 aro $5 per dose thakibo koishe. Bangladesh toh development partners logot kotha koi thakishe, etu oper te World Bank aro Asian Development Bank logot vaccine laga funds rakibo nemite ase, koikena government officials para koishe. Etu samai, Bangladesh te coronavirus vaccine nemite Sinovac Biotech para late-stage trial kori thaka toh bapana ase keli koile, Dhaka para Chinese company ke lok koriboli mana korishe. Experts para koishe ke, Bangladesh khan winter samai bemari toh aro othiboli pareh, etai dak te bemari cases toh 416,006 paikena ase aro 6,021 manuh morikena ase. Serum Institute toh Duniyaa te sobse tangor vaccine bona company ase aro tai khan AstraZeneca, Gates Foundation aro Gavi vaccine logot melaikena ase aro tai khan bapana toh Duniyaa sob te billion oper COVID-19 vaccine bonaboli ase koishe.
Add Comment