Bangladesh Islamist Hefazat, chief Shafi, 104 umer te morishe

September 19, 2020. Bangladesh, Amir Hefazat-e-Islam, Shah Ahmad Shafi, 104 umer toh Dhaka te Asgar Ali Hospital te elaj kori thaka samay morishe. Centenarian Shafi toh life support kori thakishe aro tai ke Dhaka te uthai jaishe. Ahmad Shafi ke janaza beche madrasa graveyard te ropabo koishe. Friday din te ambulance te tai laga body toh hospital para 10.20 p.m. samay te uthaikena Chattogram te loikena jaishe. 2010 saal te, Shafi para Bangladesh te Hefazat-e-Islam bonaishe. Hefazat-e-Islami laga chief besi saal kora samay Hathazari madrasa toh director general thakishe. Shafi para first time Hefazat-e Islam activists rally May 5, 2013 saal te loishe, aro etu samay besi larai korikena Motijheel ke 12 gonda neshina thurikena rakish, etu samay police khan aha beche jarishe. Paltan aro Motijheel chaka toh laria aro hamla kora chaka hoishe, Hefazat laga manuh para ghor aro saman jolaikena police khan logot besi larai korishe. Etu samay, laria kora te komti hoilebi 39 manuh morishe. Tai para khobor be junaikena berai thakishe etu samay tai laga kotha nemite alag- alag chaka pra manuh khan botnam thishe, etu oper te tai para maiki manuh logot be kelaaf korishe. 2019 saal te, Hathazari madrasa student laga ama/baba khan logot kotha kotha kora samay Shafi para bacha laga ama/baba logot 4 saal aro 5 saal maiki bacha logot school te nabotaboli koishe.  Friday din Shafi morishe, etu agae te tai Al Jameyatul Ahlia Darul Ulum Moinul Islam Madrasa laga director general post para resigned korikena thakishe. Namaz-e-Janaza toh Saturday din Hathazari madras te lobolilobo. Shah Ahmad Shafi toh 1916 saal  Rangunia of Chattogram te jonom korishe aro tai Al-Jamiatul Arabiatul Islamiah te school korishe.