July 23, 2024: Bangladesh kan Tuesday din deh, governments jobs karne quotas kati bole ekta court ruling tho formally accept kuri bole ase, media para kui shae. Taikan etu kuri nah students kan laka key demand tho mili ase. Students kan etu laka upor deh violent protest kura tho country laka sobse bia ekta protest ahi bo di shae, kuteh 150 nishi nah manu keh tho murai di shae. Curfew taka time deh capital, Dhaka aro bishi wak dangor cities kan deh chup chap heh taki shae, second din karne. Jua hapta protest hua tho government para internet aro telecoms bon kuri di nah ase. Hoile b security situation tho itia b pura control deh nahoi, army chief para kui shae. Army chief para Tuesday morning deh capital laka jaka keh tour kuri shae, helicopter deh bui nah. Officials kan para char kan da karne curfew tho relax kuri bole ase kui shae, manu kan keh essential saman kan kini bole dibo karne. Protestors kan ekta high court laka decision keh overturn kuri bole mun taki shae. Etu decision para qkta quota sytem setting keh wapas ani shae, kuto para 60% nishi nah government kam tho kun bah manu kan karne reserve kuri di shae. Etu reservation tho Bangladesh war of independence deh kila kandan kan karne taki shae.
Bangladesh kan job quotas deh court ruling accept kuri bole ase
