FALAKATA: West Bengal laga Falakata te Central government koishe ke Bangladesh logote India laga international border seal kuribole nimite notun technology use kuribo koishe. Border toh Assam aro West Bengal logote pass kuri kena ase. Etu notun Technology toh comprehensive integrated border management system toh lagai kena hubo.
Mr Singh koishe West Bengal te Trinamool Congress government ke state border te fence lagabole mati dibole kua toh nadiya nimite apsos ase. Ami khan lagi thaka cooperation toh ketiya bhi napai.
Alipurduar district rally te Mr Singh koishe hoile bhi moi kubo ke judi ami khan satet government logote para cooperation napaile ami khan notun system lagabo.
Union Minister koishe tai ketiya Israel te visit kurishe, Tai etu samay te dekhishe ke borders secure kuribole nimite Middle East khan technology laga modot loi thakishe.
Tai koishe etu nimite ami khan decide kurishe ke ami khan Bangladesh logote borders share kura jaga Assam aro west Bengal te etu technology laga modot para border seal kuribo.
Ami khan comprehensive integrated border management system etu jaga khan te lagabo. Ami khan etu technology laga modot para Bangladesh logote share kura toh immigrants khan nimite pura seal kuri dibo. Taki tai khan India te aro entry kuribole naparibo nimite.
Mr Singh koishe etu nimite guru, drugs, aro jali (fake) notes entry toh rukhabo.
Trinamool Congress government opor te Mr Singh koishe “anti-national” aro “anti-social” forces khan toh state aro law te active ase.
Add Comment