Bangladesh para April te two-game Test series nimitey Zimbabwe ke host kuribole asey

New Delhi, March 09: Bangladesh tu April 20 para Zimbabwe ke ekta two-game Test series nimitey host kuribole pura tayar asey Etu match tu April 2024 te hobole thakisey. Hoilebi, utu homoitey, Bangladesh Cricket Board (BCB) para Zimababwe Cricket ke five-match T20I series khilibole koisiley. Zimbabwe cricket team tu Bangladesh te April 15 te pungchibole asey. Etu series laga first Test(match) tu Sylhet International Cricket Stadium te khilibole asey. Second Test nimitey Zimbabwe team tu Chattogram te Zahur Ahmed Chowdhury Stadium te April 28 para jabole asey. Dangor kotha tu, etu series tu World Test Championship cycle laga hisa nohobo kilemaney Zimababwe tu World Test Championship(WTC) laga participant nohoi.  Zimbabwe laga bari te kobo koiley, etya Test cricket te taikhan laga performance tu bisi biya hoikina asey. Taikhan para 10ta match khilisey kuntu majotey 8ta match harisey aro baki duita match tu draw hoisey. Etu saal taikhan para khali duita Tests khilisey. Etu duita bi Afghanistan aro Ireland laga against te one-off match(matlab final, semi-final nathakikina single match) thakisey. Aro etu duita match bi harisey. Test cricket(game laga lamba format) te Zimbabwe tu akhri bar 4 years ageyte March 2021 te Afghanistan laga against te jitisiley. Dusra faley, Bangladesh tu Test Cricket te olop jeet hasil kurisey. Hoilebi taikhan jitya tu nijor  laga desh nohoikina dusra desh te khela game te hey jitisey.  Taikhan para recently Test match te Pakistan ke haraikina West Indies logotey tie(matlab ekey score pa) hoisey. Bangladesh tu November 2023 para loikina etyatak ekta bi Test match jitanai. Aro etya 5 years picheyte Zimbabwe ke host kuribole asey. Taikhan para Zimbabwe ke akhri bar February 2020 te huwa ekta Test series te haraisiley. Bangladesh tu recently Champions Trophy 2025 te participate kurisey. Taikhan tu etu tournament laga Group A te thakisey. Aro ekta competition bi nijitikina out hoijaisey.