Bangladesh para Mamata Banerjee laka ‘shelter’ remark keh protest kuri shae

July 25, 2024: Mamata Banerjee laka remarks, kuto Bangladesh para aha helpless manu kan keh shelter dibo kui nah taki shae, etu remark tho taikan government para ‘provocative’ ase kui shae. West Bengal chief minister laka statement, kuto Bangladesh laka internal affairs deh ase, etu deh ‘inaccuracies’ b ase kui nah High Commission keh kui shae aro capital Dhaka deh taka authorities kan normalcy wapas hi bole koshish kuri ase kui nah. Agae deh Dr Mohammad Hasan Mahmud, kun neighboring country laka foreign minister ase aro ruling Awami League party laka ekta senior minister ase, tai para Banerjee laka kotha tho ‘confusion’ ban abo pareh kui shae aro manu kan keh ‘mislead’ kuri bo pareh kui shae.” “Chief Minister Mamata Banerjee keh respect di nah, mui etu kubo munjai. Mukan tai lokot deh ekdum bhal relations ase. Mukan lokot deh deep relations ase. Hoile b taila remarks para confusion banai shae aro mislead hobo leh scope ase,” Hasan Mahmud para kui shae, united News of Bangladesh para report kuri shae.