Bangladesh te First Hindu Chief Justice chor case te thurishe

August 14, 2020. Thursday din, Dhaka court para Bangladesh laga first Hindu Chief Justice Surendra Kumar Sinha aro dosura 10 jun manuh ke chor case te  botnam thishe. Tai khan para bank ekta te 40 million taka chor kurishe koishe. Court para khobor junai deya tuh sath(7) moina beche dosura Dhaka court para be 69 umer  ex-chief justice Sinha aro 10 jun manuh logot thuriboli hokom thishe. Sinha, tuh United States te thaki ase aro tai ke Anti-Corruption Commission (ACC) para “bolaishe” koikena tai logot thuriboli hokom thishe. Khobor para koishe ke, etu manuh khan pithor te choi(6) jun manuh tuh bank laga officials khan thakishe aro baki manuh tuh Sinha laga sati khan ase. Aji court para SK Sinha aro dosura 10 jun manuh ke botnam thishe, tai khan Farmers Bank scandal te trial tuh soruh hoishe, koikena prosecution lawyer para koishe. Lawyers para koishe ke, etu manuh khan pithor te tin(3) jun manuh he trial tuh loboli ase aro dosura manuh khan tuh justice besari ase. ACC para Sinha aro 10 jun manuh ke filed charge kurishe, etu samay court para case tuh independent graft body logot investigate kuriboli thishe. ACC para aro koishe ke, etu manuh khan para 40 million taka (USD 472,995) loishe koikena evidence be ase, tuita business manuh  para mesa documents bonaina 2016 saal te poisa tuh othaikena Sinha laga account te thali thishe koishe.