West Bengal, 11 February 2025: Border Security Force (BSF) khan ekta jokom pa Bangladeshi miscreant ke government hospital te loi jaishey, tai aro taila group khan border force ke hamla kura pichideh India-Bangladesh border osor te, West Bengal’s Dakshin Dinajpur te.
Ekta BSF jawan b jokom hoishey etu hamla te, Bangladesh miscreants khan laka group pra kura February 7 te hwa laka. Miscreant toh 22 saal MD Alauddin ase, Thakurgaon, Bangladesh te, tai critical jokom paishey hamla time te Malikpur bosti te. BSF khan joldi taike Gangarampur Government Hospital te loi jaishey. Alauddin aro taila groups khan pra BSF personnel ke hamla kuri kina b, border troops khan pra taike hospital te loi jaishey, ensure kuri shey ki tai jokom pra namuribo leh.
Alauddin ke full care dishey aro bhal pra respond kuri shey doctors khan laka treatment ke. Treatment hoi kina, Bangladeshi miscreant toh Gangarampur police station khan ke di dishey legal action karme.
Border Guard Bangladesh (BGB) authorities khan ke etu incident hwa toh janai dishey aro ordered kuri shey taikhan laka nationals ke Indian territory te gusibo leh restrict kuribo leh.
Add Comment