Agencies, 16 September: India laga football fan khan nemide ektum kushi kotha. Last de All India Football Federation (AIFF) pora Barcelona Legends aro Mohun Bagan Legends khelibole laga green light paise. Match toh list bona hesab de, September 28 de thakibole ase. Mohun Bagan club secretary Anjan Mitra pora janaideya hesab de, AIFF pora NOC (No Objection Certificate) paise koise aro Indian Super League (ISL) season suru na-howah agae de ek-din match thakibole ase koise. AIFF pora NOC toh Monday nesana de debo pari. Mitra pora janaideya hesab de, Mohan Bagan khan eku permission na-lagi aro match toh kula ase kowah thakise. Barcelona pora letters pothai kena thaga hesab de, FIFA, UEFA, nahoile Spanish Football Federation pora eku permission na-lagi kowah thakise. Aro etu letter toh AIFF aro IFA logode pothaideya thakise.
November 1, 2024
World's First and Only Nagamese Newspaper
Add Comment