Madrid, 18 August : La Liga laga reigning champion FC Barcelona title defend shuru kurise ekta comfortable kintu controversial 3-0 jeet logot, Mallorca laga ghar te.
Khel half-time reach nakuria age te almost over hoi jaise jitia Raphinha Barca ke lead dise Lamine Yamal laga cross te 7 minute te, aru Fermin Lopez score kurise second goal 23 minute te.
Mallorca laga players khub bisi gussa hoise, referee khel continue kuridise jitia defender Antonio Raillo floor te thakise cross clear kuribole try kuria piche te, aru Lopez goal marise tai down thaka time te. Xinhua report kurise.
Manu Morales protest kurina yellow card paise, aru 10 minute piche te tai second yellow paise Yamal uporot foul kurikarone, tai Mallorca 10 player te komi jaise.
Bishi bura hoise 39 minute te jitia Vedat Muriqi ke direct red card dikhaise VAR check kuria pichete, high challenge kurise Barca laga goalkeeper Joan Garcia upor te, juntu match shuru hobo age register korise, Marcus Rashford logot.
Home side aro bhi bisi gussa hoise jitia Raphinha late challenge marina half-time laga stroke te, kintu tai yellow card paise.
Second half te Barca ball control kurithakise, Mallorca 2 player komi jabo karone stubbornly defend kurithakise, goalkeeper Leo Roman bisi dangor save kurise.
Home side Barca ke stop kurithakise last time tak, kintu 94 minute te Yamal duita tired defender cross kurise aru ekta curling shot marikena top corner te goal dise, score 3-0 kurikena.
Season Friday te shuru hoise Rayo Vallecano laga 3-1 jeet, Girona laga ghar te. Girona laga goalkeeper Paulo Gazzaniga first half te nightmare performance kurise, dui ta mistake karikena goal dise aru 43 minute te red card bhi paise.
Rayo half-time te 3-0 lead loise aru jeet hold kurise, rival 10 player te komi jaise.
Oviedo laga bisi time pora wait kora La Liga return end hoise 2-0 haria logot Villarreal te. Alberto Reina duita card paise aru 27 minute te send off hoise, aru 10 player komi jai pichete, Etta Eyong aru Pape Gueye Villarreal laga jeet confirm kurise half-time age.
Add Comment