New Delhi, January 05: Barcelona para Dani Olmo aro Pau Victor ke baki season nimitey register kuribole kosis kora te dangor badha lok pai asey. Kuntu nimitey etu duijun player olaijabole laga chance asey.
La Liga aro Spanish football federation (RFEF) para taikhan laga registration request ke inkaar kuridiya picheyte etu club para Saturday te taikhan laga case tu Spain laga High Council for Sports te loijaisey.
Etu mamla tu Barcelona laga financial(poisa laga) aro administrative problem thaka para olaisey. Kuntu para suru te Dani Olmo aro Pau Victor laga 2024 picheyte registration kuribole para rokhaidisey.
Juwa saal summer te njury(jokhom) para exempt huwa laga istamaal kurikina Olmo ke register kora laga bawajut, Barcelona club para etu season khotom nuhuwa tak taikhan laga registration extend kuridibole nimitey manga duita court case harisey.
Etu situation ke thik kuribole laga kosis te, Barcelona para funds jama kuribole aro taikhan laga budget barabole nimitey future Camp Nou te VIP seat khan bikri kurisey. Kuntu para etu duijun player laga registration kuribole parisey.
Hoilebi, etu application khan handle kora joint commission para RFEF rules nimitey licence dibole inkaar kuridisey. Etu rules para enaka player laga registration kuribole mana korey kun laga ekey season te poila te license cancel hoisey.
Barcelona para etu decision tu High Council for Sports te appeal kuribole taikhan laga irada asey koisey.
Club president Joan Laporta para tailaga etu mamla handle kora laga tarika nimitey criticism jhelisey. Aro tai para Olmo aro Victor ke biswas dilabole nimitey taikhan ke kotha kurisey.
Olmo laga contract te ekta clause shamil asey, kuntu te judi tai register hobo naparisey koiley taikey club charikina jabole allowed kurikina asey.
Copa del Rey nimitey Barbastro laga against te Barcelona laga squad para Olmo aro Victor laga gair mojudgi para etu club te taikhan laga future sure nathaka tu dikhai asey.
Etu situation para Barcelona para La Liga aro RFEF para nyom set kora hisap te chulikina aro taikhan laga star players ke club para jabole nidibole kosis kora bich te taikhan laga poisa aro administrative problem ke thik kuribole rasta bisara dikhai asey.
Add Comment