Jeddah, 13 January : Raphinha FC Barcelona laga hero bonise, jitia tai laga team Real Madrid ke 3-2 pora harai Spanish Super Cup retain korise. Brazilian winger pora Barca laga first goal score korise, aru second half te olob luck logote winning goal marise, juntu te pura match exciting hoi thakise aru Madrid last moment tak equaliser bisari thakise.
Madrid match shuru korise Kylian Mbappe bench te rakhi aru defence te Antonio Rudiger laga jagat Dean Huijsen ke loi. Coach Xabi Alonso pragmatic approach loi, team ke deep defend korai aru break te Barcelona ke hit koribo plan bonaise.
Barcelona bhi ball careless nadiya, Madrid ke counter chance nadiya khelise, aru itu karone first 30 minute bisi cautious thakise. Taateo Vinicius (juntu Thursday criticism pichete outstanding khelise) aru Gonzalo Garcia duita ke Madrid ke aage loi jabo chance paise, kintu duita laga shot Barcelona goalkeeper Joan Garcia logote weak hoi jainai.
Barcelona aste aste Madrid ke pichete push korise. Fermin Lopez laga shot Thibaut Courtois save korise, aru 35 minute te Raphinha, Lamine Yamal pora through ball paai wide marise.
Ek minute pichete, Raphinha low shot marikena Barca ke lead dise. Yamal full rhythm te ahise aru Barca match pura kill koribo parise, kintu Courtois pora Fermin ke aru ekbar deny korise aru Yamal laga near-post effort bhi close jai.
Barcelona laga miss kora chances laga punishment ahise first-half injury time te, jitia Vinicius Madrid nimite equaliser marise. Tai halfway line pora ball loi, Jules Kounde ke pace te beat kori, Pau Cubarsi ke cut kori, Garcia ke pass kori goal marise.
Kintu Barcelona ek minute pichete wapas aage ahise, jitia Robert Lewandowski, Pedri laga brilliant pass pora smart finish kori gol marise. Madrid players complain korise ki halftime whistle baji jabo lagey
referee khel continue korise aru dui minute pichete Madrid equaliser celebrate korise, jitia Huijsen laga header bar pora bounce back hoise, aru Garcia stab kori goal marise corner pora.
Second half te Vinicius aru Rodrygo pora aru chances ahise, kintu duita ke Garcia save korise. Match laga faisla ahise 73rd minute te, jitia Raphinha box edge te turn kori shot marise, aru ball Raul Asencio pora deflect hoi Courtois ke wrong-foot korise.
Drama etiya bhi baki thakise. Madrid equaliser bisari all-out push dise. Barcelona 10 man hoi jai, jitia Frenkie de Jong, Mbappe – juntu closing minutes te substitute hoi ahise – logote high challenge pora red card paise.
Injury time te Barcelona deep defend korise. Alvaro Carreras aru Aurelien Tchouameni duita ke Madrid nimite equaliser laga chance ahise, kintu duita laga shot direct Garcia logote jai.
Finally, Barcelona hard-fought kintu deserved title celebrate koribo parise, aru Spanish Super Cup retain korise.
Add Comment