Madrid, 7 February : Copa del Rey semifinal laga draw Thursday din hoise, jate Barcelona Atletico Madrid logot face koribo, aru dusra semifinal-te Athletic Bilbao aru Real Sociedad match khelibo.
Catalans khan first leg karone Metropolitano-te away jaina khelibo, juntu February 12 te hobo. Return leg khela hobo March 5 te.
Athletic Bilbao, jun 6 bar Copa del Rey winner, nijor strong cup pedigree upor bharosha kori aage baribo try koribo. Dusra phale, Real Sociedad 2020 te delayed final-te trophy uthua pichete, itu bar final pohonchibo aim kori ase.
Copa del Rey final Seville laga Estadio de La Cartuja-te khela hobo kuina schedule kora ase. Duita semifinal pora bhi dangor aru exciting contest ahibo buli expect kora ase, jetiya Spain laga top clubs khan season laga itu dangor event-te jagah paabo karone fight koribo.
Add Comment