December 6, 2024: Sabrina Carpenter aro Barry Keoghan chara chari hua tho, Sabrina laka fans kan keh shock kuri di shae. Tuesday din deh, ekta insider para People keh pair tho ekta break lobo leh decide kuri shae kui shae. Source para taijun b jawan aro career-focused ase kui nah kwa tho fanskan para agree kuri shae, hoile b taikan laka breakup achanak hua tho manu kan keh papna kuri bole di ase. Reports para irish actor tho 25 sal laka pop star keh cheat b kuri shae kui nah b ahi ase.
Carpenter aro Keoghan chara chari hui shae kui nah kobor aha piche deh, internet kan mamla deh pitor gusi shae. Actor laka infidelity deh rumors kan aha time deh, kun bah eagle eyed fans kan para tai tho TikTok influencer Breckie Hill lokot deh Please, Please, Please singer keh cheat kuri shae kui nah biswas kureh.
Popular gossip Instagram account DeuxMoi para ekta blind item post kuri shae, Keoghan tho Carpenter keh unfaithful taki shae kui nah. “Taila sobse dangor tour laka kotom hua rati deh, tai tho San Vincente Bungalows deh bishi aram kuri taki shae, ekta blond, semi-famous LA based influencer lokot deh.”
Account para influencer laka nam tho kwa nai, hoile b Carpenter laka fans kan para etu manu tho hill taki shae kui nah biswas kureh.
Add Comment