Bay Of Biscay te India aro France Navies exercise thakishe

New Delhi: Indian warship INS Tabar toh French frigate FNS Aquitaine aro French Navy laga 4 Rafale fighter aircraft logot Bay of Biscay te tui(2) din nemite exercise thakishe, koikena Monday din officials para janaishe. Etu samai operations pithor te anti-submarine aro air defence drills aro firing toh ships te exercised korishe koishe. “INS Tabar toh Brest te port visit kora beche, France para maritime partnership exercise toh FNS Aquitaine aro French naval Frigate logot Bay of Biscay te July 15 aro 16 darik te loishe, koikena Indian Navy spokesperson Commander Vivek Madhwal para etu khobor toh janaishe. FNS Aquitaine laga twin-engine helicopter (NH 90) aro French Navy laga 4 Rafale fighter aircraft toh etu exercise kora samai samil korishe,” koishe. Official para koishe ke, etu exercise toh dosura maritime para jodi hamla korishe nahoile thami kora samai tayar thakiboli nemite thaka ase koishe. India aro France majot te Indo-Pacific te mel-melab toh besi tangor jai ase aro etu oper te Australia log t be trilateral mechanism toh maritime and space domains bonaboli janaikena ase koishe.