Bayern Munich khan 32nd German league title osor huishe.

Bayern Munich khan 3-0 teh jetishe Arminia Bielefeld khe haraina Sunaday din teh aro 32^nd German league title osor huishe, noitah points ageh huishe second place Borussia Dortmund lokot aro chartah games bachina ase.

Bundesliga race jani jabo team khan Munich teh Saturday din lok kurileh. Etu match toh kobo napra laka thakishe hoilehbi Bayern jeteh karneh bhal thakishe Sapnish side Villarreal Champions League quarterfinals teh eliminate huija karneh.

First 20 minute toih bhal dikhaishe etu haptah kinika ulaboleh ase tai khan kuishe Bayern laka coach Julian Nagelsmann. Bhal jeet thakishe aro etia Dortmund lokot title karneh kheliboleh khushe ase kuishe.

Bayern khan 11 minutes piche lead kurishe Danish defender para nijor goal teh dhalishe league top scorer Robert Lewandowski laka pressure para.

Eu goal toh award kurishe replay video teh Lewandowski offside nohoina thaka tai Joshua Kimmich laka pass lua teh.

Serge Gnaby para second goal score kurishe, aro award kurishe VAR review piche, aat minute teh first-half stoppage time teh Kimmich laka pass luinah.

First half rukhai dishe khotom huboleh teh Arminia laka Fabian Kunze jokom khaishe baal khetah homoi teh. Bayern khan dukh napaina thakishe taikhan  23 goals dhalina thaka lokot kheleh teh. Lewandowski, 350 goals club karneh dhalina ase, tai ajikali contract karneh kotha teh ase tai laka deal next season khotom hubo karneh.

85^th minute teh Jamal Musiala third goal dhalibo parishe.