Munich, 4 March : Bayern Munich, late club legend Franz Beckenbauer laga jersey, tai laga Allianz Arena stadium laga roof te display kuribo, Tuesday din club para statement diya hisab te.
Already 15-metre by 10-metre size laga Beckenbauer laga iconic No.5 jersey Allianz Arena roof te lagai dise, aru Wednesday din Champions League last-16 clash te German champion Bayer Leverkusen logot kheli thakibo.
Former defender Beckenbauer ke dunia laga eku dangor player te ekjon hisab te manishe. Bayern Munich te thakibole time te, tai 3 European Cups, 4 German championships aru 2 Ballon d’Or awards jitise.
Beckenbauer, January 2024 te mori jaishe, aru tai laga jersey number Bayern Munich para retire kuri dise, jun club laga history te first time ase.
Tai West Germany laga captain thakibole time te, 1974 World Cup jitise, aru 1990 te coach hisebe bi World Cup trophy utheise.
Pichite Bayern Munich coach aru club administrator bhi thakise, aru Allianz Arena stadium bonabo te dangor role khelise, jun stadium 2005 para club laga home stadium hoijai dise.
January 1, 2025 para, Munich City Council, Allianz Arena thaka road ke Franz Beckenbauer Platz te rename kuridi dise, aru stadium laga official address No.5 hobo.
Add Comment