Agencies, 31 August: UAE te sob Indian Premier League (IPL) teams ahai kena ek hapta opor hoi kena ase. Hoilebe Board of Control for Cricket in India (BCCI) para ahibole season nemide schedule najanai kena ase.
Sources hisaab te, konbah franchises para Indian Cricket Board ke schedule toh joldi olabole koise. BCCI para be schedule toh joldi olabo nemide kotha para aro lekhi kena jana be janaishe koise.
Konbah para Monday nahoile Tuesday koise hoilebe etu opor te confirm koribole napari koise. BCCI toh etu par Emirates Cricket Board officials ke lok kora thakise aro besi phak issue schedule aro inter-city travel protocols te thek korise koise.
Khobor hisaab te, deri kora laga karan toh Abu Dhabi te Covid-19 cases toh achanak para otha nemide hobo pari koise. etu jaga be Sharjah aro Dabai charikena tournament nemdie main venues ase koise.
Tournament nemide khara te ase kelay koile Chennai Super Kings (CSK) squad laga 13 members para corona virus nemide positive test olai kena thaka nemide. Batsman Suresh Raina be personal karan nemide tournament para olai kena ase. BCCI para be members ke infect howa toh tai khan laga naam najanai kena confirm korise. Ekta team source para be nejor laga safety nemide tai khan laga naam janai dele phal thakise koise.
IPL laga 13th edition toh September 19 para suru koribole ase aro final toh November 10 te khelibole ase. Etu edition toh March-May te lobole thaka ase hoilebe coronavirus pandemic nemide suspend koribole ola thakise.
