Agencies, 03 September: United Arab Emirates te Board of Control for Cricket in India (BCCI) medical team laga ekta member ke coronavirus nemide positive e test olaise. ANI hisaab te, board osor laga sources para etu khobor confirm korise.
Etu agae UAE te ponja samai te 13 jun ke be coronavirus nemide positive powa thakise. Tai khan toh UAE te Indian Premier League laga 2020 edition te hisha lobole nemide ase.
Khobor hisaab te, National Cricket Academy (NCA), Bengaluru laga tuita members ke COVID-19 nemide positive test report hoise.
Sources para ANI ke koise, “Etu toh hosha ase hoilebe issue toh nai kelay koile tai (senior medical officer) toh asymptomatic howa nemide aro tai ke toh isolation te rakhikena ase. Tai toh kon logode be contact thaka nai aro tai toh UAE te travel kori thaka samai te contact hobole chance toh ase. Tai ke toh shai ase aro tai toh next round laga testing te phal hobole bhabona ase. Ami khan ke be tuita manu ke NC A te positive test powa ase aro tai jun ke toh isolation te rakhise.
Etu agae te BCCI para 13 jun ke C OVID-19 nemide positive test powa janaideya te tuita players be melikena thakise.
Tuita infect howa cricketers toh Chennai Super Kings laga Deepak Chahar aro Ruturaj Gaikwad howa janishe. Wednesday te CSK laga veteran cricketer Suresh Raina para franchise laga camp para be charibole achanak janaideya thakise. Tai para tai laga family toh priority ase kowa thakise. Hoilebe tai para COVID-19 situation phal hoijaise koile UAE te korai ahibole eku janaideya nai. IPL laga 13th edition toh September 19 direk para suru hobole ase aro final toh November 10 direk te lobole ase.
Add Comment