New Delhi, 20 December : BCCI pora ICC T20 World Cup 2026 laga karone 15-man squad announce korise. Suryakumar Yadav ke T20 World Cup te Team India laga captain bonaise. Shubman Gill ke fitness aru form laga problem karone vice-captaincy pora hataise aru squad pora bhi drop korise.
Axar Patel ke phir pora deputy duties dise. Wicketkeeper-batter Ishan Kishan team te wapas aise ase second wicketkeeper-batter hisab te. Sanju Samson aru Abhishek Sharma ke Team India laga opening pair hisab te final korise, aru Rinku Singh bhi team te comeback korise. Tilak Varma, pace all-rounder Hardik Pandya aru Shivam Dube, aru spin all-rounder Axar Patel, Washington Sundar aru Rinku Singh mili kene Indian middle-order te dangor firepower aru depth dise. Kuldeep Yadav team laga specialist spinner ase, ta laga logote Varun Chakravarthy ase. Pace bowling attack ke Jasprit Bumrah lead koribo, juntu te Arshdeep Singh aru Harshit Rana bhi ase.
ICC T20 World Cup 2026 laga karone India laga squad ase: Suryakumar Yadav, Abhishek Sharma, Sanju Samson, Tilak Varma, Hardik Pandya, Shivam Dube, Axar Patel, Rinku Singh, Jasprit Bumrah, Harshit Rana, Arshdeep Singh, Kuldeep Yadav, Varun Chakravarthy, Washington Sundar, aru Ishan Kishan.
ICC T20 World Cup 7 February pora shuru hoi 8 March 2026 pichete khotom hobo.
Add Comment