New Delhi, 12 March : Board of Control for Cricket in India (BCCI) Indian Premier League 2026 laga first phase schedule announce kori dise. Tournament tu March 28 pora April 12, 2026 tak khelibo.
Kintu tinta states te State Assembly elections thakibo karone, full schedule etiya tak announce kora nai. Election dates announce hua pichete pura schedule release koribo.
Indian Premier League 19th edition start hobo jetiya defending champions Royal Challengers Bengaluru (RCB) host koribo Sunrisers Hyderabad (SRH) ke M. Chinnaswamy Stadium te Bengaluru te. Opening match pichete Sunday din Mumbai Indians Kolkata Knight Riders logote khelibo Wankhede Stadium te Mumbai.
Total 20 matches khela hobo 10 venues te — Bengaluru, Mumbai, Guwahati, New Chandigarh, Lucknow, Kolkata, Chennai, Delhi, Ahmedabad aru Hyderabad.
Season te Royal Challengers Bengaluru 5 home matches Bengaluru te aru 2 Raipur te khelibo. Punjab Kings 4 home matches New Chandigarh te aru 3 Dharamshala te khelibo, aru Rajasthan Royals 3 home matches Guwahati te aru 4 Jaipur te khelibo.
Bengaluru te scheduled matches khan Government of Karnataka laga Expert Committee clearance upor depend kori thakibo.
Add Comment