Agencis, 4 October: Board of Control for Cricket in India (BCCI) pora Sikkim cricketer, Manoj Gurung logode tui-sal karni ban koridese. Etu toh tai laga birth certificate de sal komti kori kena dhokai deya pora ase. Sportstar laga record hesab deh, Sikkim Cricket Association (SCA) logode letter deya toh, BCCI pora Gangtok khelari logode etu season pora tournament deh na-khelibole manise. Khobor jani powah hesab deh, 2014 deh Gurung pora Cooch Behar Trophy nemide register kora toh 1997 de johnom paise koikena thakise. Hoilebe etu par tai certificate toh 2000 deh johnom paise koikena submit korise. Registration jai thaga time deh Board pora certificate de olda-pulda thaga jani-paise aro association logode joldi khobor janaideya thakise. Question toh koile tai birth certificate de galdi kori kena SCA logode submit koribole parise. Association official pora etu toh khelari khan nemide hosiyar janaidebole laga ase. SCA’s secretary, Sonam Palden Bhutia pora BCCI pora kora toh thek korise koise. Etu pora khelari khan enaga mesa-meni galdi koribole thaga nakoribo koise. Etu laga chamala deh association toh Board logode cooperate koribole ase koise.
BCCI pora Gangtok U-19 cricketer ban korise
Add Comment