BCCI Rs 450 crore Sponsorship set kuri ase Dream11 early exit hua bechede

New Delhi, 31 August 2025: Board of Control for Cricket in India (BCCI) etiya tu notun lead sponsor khuri de she, etia tu Dream11 contract terminate kuri loi jai she, karone parliament te Online Gaming Bill pass hoi ja bole ase. Dream11 tu 3 years laga deal sign kuri thaki she, aru etu value ₹358 crore thaki she, tai laga contract 2 years laga agae te terminate kuri bole lagise. Etiya board ekta tough situation te ase,etu Karone Asia Cup 2025 suru hobo agote sponsor fix kuri kena team laga jersey print kuri lobo laga ase. NDTV sources laga hisap para jana de she ke BCCI etiya 2025–2028 cycle karone notun sponsor loi kena ahi bole plan kuri she, aru deal laga value roughly ₹450 crore hobo. Eetu contract te lagbhag 140 matches include hobo — home aru away bilateral matches, aru bhi multi-team tournaments tu Asian Cricket Council (ACC) aru International Cricket Council (ICC) organize kuri bo. Financial target bhi set kuri she: ₹3.5 crore per bilateral match aru ₹1.5 crore per ICC/ACC match. Etu figure Dream11 para bishi hobo, aru BCCI juntu poisa phatai thaki she Byju’s para, tai khan para komti hobo. Tai bhi BCCI confident ase ke improved package market te bhal sponsor attract kuri bo. Immediate focus te, board try kuri she Asia Cup laga agae te sponsor loi kena ahi lobo, hoilae bhi time short thaka karone possible delay bhi hobo pare. Tai bhi, board confident ase ke Women’s World Cup, tu suru hobo September 30, 2025, agae te sponsor fix hobo. BCCI laga main aim ase long-term stability loi kena ahi thaki she  aru Indian cricket laga stature ke match kuri bole ekta high-value sponsorship ensure kuri thaki she, etu bhi Dream11 laga early exit karone ekta short-term challenge ahi thaki she.