DIBRUGARH: Brahmaputra Cracker & Polymer Limited (BCPL) laga Chief Manager, Manab Jyoti Dowerah toh Wednesday din AMC Hospital, Dibrugarh te Covid bemari para morishe. Dowerah toh olop din akhe para AMCH Hospital te elaj kori thakishe koishe. “Manab Jyoti Dowerah toh ajanak mora nemite besi mon dukh ase, tai ke Covid positive thura beche AMCH hospital te elaj kori thakishe. Aji tai ami khan ke jarikena oper te jaishe,” koikena BCPL officials para janaishe. Tai toh upper Assam, Jorhat district para ase aro maiki aro tuita(2) bacha jarikena jaishe. “tai toh Covid bemari para mora 1st BCPL employee ase,” koikena dosura employee para janaishe. Ami khan sincere aro dedicated employee ek jun morishe koishe. Tuesday din Dibrugarh 24 gonda pithor te 62 COVID positive cases thurishe koikena Joint Director of Health Services, Nabojyoti Gogoi para janaishe. “Manab Jyoti Dowerah toh diabetic aro dosura bemar thakishe aro district te hoshari thakiboli kam kori ase.” Khobor hesab te, Dowerah toh olop din akhe tai laga ghor manuh logot Guwahati te jaishe aro tai khan sob logot COVID positive tested paishe koishe.
Add Comment