Agencies, 25 October: Thursday din China’s Defence Ministry pora khobor janaideya hesab deh, etu sal kothom nahowah agae deh China aro India toh China jaga deh joint army drills thakibole aim kori ase. Jowah sal Doklam jaga deh 73-din karni India aro China military drills thaga bechide relation toh gara hoise. Hoilebe jaijaa agae-agae moina time deh tuita desh toh ke-ke thek nathaga deh phal hoijabo karni kum kori thakise. Aro August moina New Delhi deh Chinese Defence Minister Wei Fenghe toh Prime Minister Narendra Modi logode log kora thakise. Chinese Defence Ministry spokesman Wu Qian pora joint exercise toh etu sal kothom nahowah agae deh lobole plan korise koise. Tai pora aro eku khobor najanaide kena tuita desh toh arrangement nemide kotha koribo karni ahha moina southwestern Chinese, Chengdu laga city deh log koribo koise.
Beijing aro New Delhi army drills lobole aim
Add Comment