Beijing te tuita(2) Covid-19 cases paishe

December 27, 2020. Saturday din Beijing te tuita(2) locally transmitted Covid-19 cases paishe koikena Chinese capital city te local health authorities para janai thishe. Ekta case te 31 umer maiki manuh Shunyi district te store te kam kora logot paishe, Xinhua news agency para koishe. Thursday din te tai nucleic acid test loishe aro Friday din tai laga result toh positive powa nemite Ditan Hospital te loikena jaishe, etu khobor toh Beijing municipal health commission para koishe. Dosura case toh 29 umer, tai toh Shunyi district te company te kam kora manuh thakishe. Etu manuh toh fever aro cough kora nemite medical motob loishe. Thursday din tai logot coronavirus positive paishe aro tai ke Friday din Ditan Hospital te rakish. Local authorities khan para epidemiologic investigations kori ase aro bemari toh hoshari te sai ase koishe. Friday din dak te Beijing te notun locally transmitted asymptomatic nahoile Covid-19 cases toh thura nai. City te bahar para aha notun report aro nai aro asymptomatic nahoile suspected Covid-19 cases be nai koikena Friday din Beijing te health commission para koishe. Novel coronavirus bemari toh Hubei province’s capital city, Wuhan te December 2019 sal ola ase aro etai dak etu bemar para China te 95,460 manuh logot bemari ase aro 4,770 manuh morikena ase.