Beijing te wholesale bazaar aro kulise

Beijing. August 16, 2020. Saturday din te Beijing laga Xinfadi wholesale bazaar aro kulishe. COVID-19 bemar thaka nemite tui(2) moina neshina bondh kurikena thakishe. Saturday din te 1,000 trucks oper para 13,000 tonnes neshina fruits aro vegetables tuh 112-hectare bazaar te aniboli ase, etu para 60 per cent neshina recover kuriboli ase koikena Xinhua news agency para khobor thishe. Bazaar tuh September 10 darik para pura chalu hoboli ase koikena Fengtai District laga executive deputy head, Zhou Xinchun para koishe, aro bazaar tuh be etu chaka te ase. Xinfadi para Beijing logot 70 per cent neshina vegetables thishe, etu oper te gahori 10 percent, gooru aro sakoli 3 percent, June 13 darik te bondh nakora agae te thishe. Bazaar te retail business tuh rokai thibo aro kula beche manuh nemite doorja bondh kurikena saman beka manuh aro kena manuh laga nam aro chaka tuh bazaar pithor te najaa samay bahl para saobli ase koikena Zhou para koishe. Wholesale bazaar bahar te 1,000-square-meter retail vegetable bazaar kuli thishe, etu kula tuh manuh khan laga demand pura kuribo nemite ase koishe. June 11 darik beche, Beijing te 335 COVID-19 bemari cases paishe, aro etu bemar tuh Xinfadi wholesale bazaar logot linked ase. August 6 darik din te bemar manuh sob tuh bhal hoikena hospital para olaishe koishe.