Beirut: August 20, 2020. Port of Beirut te August 4 darik tuita(2) tangor bomb bota beche ek par nemite aro kuli thishe koikena UN spokesman para koishe. Wednesday din UN Secretary-General, Antonio Guterres para koishe ke, August 11-18 darik dak te 9,000 containers neshina port para othaishe. Aro 1,000 tones saman neshina iron aro wheat be othaishe koishe. “ami khan partners logot melaikena manuh ke emergency humanitarian motob aro kam toh sai ase”, koikena Dujarric para koishe. Lebanon para tai khan nemite 85 per cent khana anishe. Hoilebi, Government para tui(2) hafta lockdown thakibole junai thishe aro etu Friday din para soruh hoikena September 6 darik dak Covid-19 bemar nemite thakibo. Aro etu beche Beirut bota nemite “sob relief kam aro motob kam toh lockdown beche hobo,” tai koishe. Etu samay bomb botai te 177 manuh morishe aro thousand manuh neshina jokom hoikena ase. UN refugee Agency khan para 6,000 phone laga call paishe aro 500 direct refugee ke motob nemite transfer kurishe, koikena Dujarric para koishe. UN Women agency para maiki khan nemite aro safe phone line be raki thishe, aro agency para calls besi paishe koishe. Agency para tai laga partner logot melaikena maiki aro mota ke alak kam etu moina pithor te kuribo. Spokesman para aro koishe ke, Beirut te paani nemite besi dhuk ase etu para 680 ghor khan paani tanks lagi koishe.
Add Comment