Saturday, November 15 – Belagavi Police ekta dangor operation te US citizens ke thokibo lage thaka ekta illegal call centre band kori dishe, aru 33 jon ke dhori loi ase—28 jon mota aru 5 jon maike. Etu call centre-tu Belagavi te ekta commercial building upor challenge chola thaki ase, aru US manu ke phishing aru fraud kuri lobo nimite bishi professional bhabe operate kuri thaki se.
Police khan koishe khan etu group-tu advanced technology use kuri thaki she, juntu VoIP aru VPN laga dhara US number pora call ani thaka nishena dekhai dibo para. Dhora para manu khan US accent te kotha kuribo, victim ke confuse kuribo aru manipulate kuribo nimite training bhi lobo thaki she.
Scam-tu pichete 11 ta script model use kori thaka paishe, juntu majote US federal agency laga officer niskariban, kimanba customer service representative niskariban pora thokani dibo pare. Victim ke joldi dari dibo nimite, manu khan ke bhuliye dibo ke bhal dangor transaction nishena hoise —kimanba high-value item order kuri dibo nishena. Jetiya victim dahai jai, dusra number te contact kuribo dibi, juntu bhi same group-or member khan handle kuri thaki she, aru tate victim laga personal details aru financial information utha loi thaki she.
Raid doran police 37 laptops aru 37 mobile phones jabo diye, juntu scam operate kuribo nimite use kuri thaki she. Dhora para manu khan India laga alag-alag state pora ahishe, aru Nepal pora bhi ahishe, juntu dekhai ke etu bishi dangor recruitment network ase. Salary tu bhi ₹18,000 pora ₹45,000 logote incentive bhi diya thaki she.Police khan para koishe mastermind khan dusra state te thaki pare, aru hunt choli ase. International aru national agency logote coordinate kori US victim khan identify kuribo, aru ketiya tak financial loss hoishe etu upor te investigate kuri ase. Etu case-tu Belagavi laga ekta bishi dangor cybercrime crackdown hisap te mani ase.
Add Comment