Belagavi, February 5, 2026: Ekta 36 sal truck driver laga opor te hamla kure she chaku loi kena, Club Road te, tai beshe bea para jokhom hoi kena ase koi she. Enia hoi ja toh beshe sawal otha ase public laga safety karne aro rasta te hamla ho laga opor te be. Ja moina khan te enia hamla khan beshe ho toh dekhe bole parea ase koi she.
Truck driver laga nam toh Ayyaz Savanoor ase koi she, tai toh Rukmini Nagar te thakea manu ase koi she, tai load bukhe kena ja homoi, ekta gare ke olop lagai de she koi she, Hindalaga bosti te. Police khan laga hesab te truck toh gare lagai de piche rukhe nai koi she. Toh gare te thakea khan toh truck ke kheta bole shuru kure she.
B Shankaranand jaga te gare toh truck ke rokhabole pare she, gare te thakea mnau khan toh truck driver ke tane kena olai she, aro chaku loi kena tai laga thang, gola, komor aro matha te mre she koi she. Pathor be phakai she aro gare laga glass bhangai de she koi she.
Local mnau khan hune kena hamla ho laga jaga te jai she, aro police khan ke mate she koi she. Truck driver ke osor hospital te loi jai she koi she. Police khan etia utu hamla kurea mnau khan ke besa rea ase koi she.
Add Comment