Belgium, 11 October : Belgian attacking midfielder Eden Hazard para tai laga retirement khobor janai dishey Tuesday dey alag club pawoley naparia piche dey tai Real Madrid para release hua piche dey. Itu 32-saal toh ekta biya jokhum laga diktari paishey Real Madrid dey tai laga 89-million-pound (103 million euros, $110 million) piche dey Chelsea para hatia piche dey 2019 dey, khali 76 matches khilina four seasons laga sob competitions dey. “Tui nijor ke huniwo lagey aro thik time dey rukhiwoley janiwo lagey,” Hazard para Instagram dey likhishey. “16 saal piche dey aro 700 matches khilia piche dey mui taay kurishey ki mui professional footballer ekta nishna mui laga career khotom kuribo.”
“Mui laga sapna mui janiwo parishey, mui khilishey aro bishi pitches dey bishi bhaal para khilishey pura duniya dey,” tai kuishey.
“Mui laga career deyI mui dangor managers ke log pawoley luck bhaal thakishey, coaches aro teammates — itu sob bhaal time karoney sob manu ke dhanuobad, mui tuikhan sob ke miss kuribo,”
“Finally, tuikhan sob ke dhanuobad, mui laga fans, itu sob saal mui laga picha kuria karoney aro mui khilia sob jagah dey mui ke josh dia karoney” tai halishey.
Add Comment