Belgium te 493 din beche notun PM paishe

Brussels: September 30, 2020. Flemish liberal leader Alexander De Croo, toh Belgium laga notun Prime Minister junishe koikena Wednesday din te khobor thishe. Belgium te 16 moina thakina election bechete. De Croo laga dushman Paul Magnette para koishe ke, 44 umer, purana finance minister ke Prime Minister junishe. Tai toh Thursday din Belgium’s king  osor te kosom kaboli ase. “ami khan coin ekta koraishe ke Alexander osor te thikaishe, aro tai ke juna toh bhal fesla ase”, koikena Magnette para press conference kotom samay thamali para koishe. Belgium te purana leader Charles Michel’s government kera beche 21 moina nemite governing majority thaka nai, aro etai 493 din hoishe ke federal elections thakibo napreh naa ase. 7^th parties laga leaders khan Wednesday din te lok korikena government bonaboli fesla korishe, aro cabinet line-up toh King Philippe para kam toh kori thibo. French-kotha kowa liberal leader Sophie Wilmes ke De Croo para putli koribo, tai toh coronavirus bemari samay acting premier kori thakishe hoilebi ketai be parliamentary majority thaka nai koishe. Etai, Notun coalition para tuita(2) two socialist parties thakibo- ekta French-kowa khan aro ekta toh Flemish, tuita liberal parties aro tuita greens thakibo. Belgium laga House of Representatives khan toh Thursday din te notun government bonabo nemite lok koriboli ase koishe. Desh toh December 2018 saal para minority coalition khan para jolaikena ahi ase, keli koile N-VA khan Michel laga government ke jari thishe. Belgium te political thik natha toh besi lamba kisa ase, aro 2010 aro 2011 saal te be government nathakina 541 din jai thakishe koishe.