November 16, 2020. Monday din te World Health Organization head para koishe ke, vaccine ekla para toh coronavirus bemari toh rokaboli naparibo. Bemari toh ola beche besi beya para jaiase, bemari manuh 54 million hoishe aro1.3 million oper manuh morikena ase. “vaccine para dosura saman logot meliboli lage, botli nakorina,” director-general Tedros Adhanom Ghebreyesus para janaishe. “vaccine vaccine ekla para bemari toh kotom nakoribo”.Saturday din te WHO laga hesab te coronavirus cases 660,905 toh UN health agency logot khobor ahishe, aro etu notun otha ase. Friday din 645,410 bemari cases registered hoishe, etu para jaa din laga 614,013 cases November 7 darik te record hoikena thaka toh oper jaishe. Mr Tedros para koishe ke, first phali vaccine supplies toh restricted thakibo, “health workers, pura manuh aro dosura risk populations khan logot mon thibo. Etu kam para manuh mora komti hobo aro health systems khan bhal para kam koriboli paribo”. Hoilebi, tai para warned thishe ke, “virus toh chaka sob te perai thakibo. Hoshari kam toh manuh logot thakibo aro test loboli lage, bemari manuh ke chaka alag rakina saboli lage aro sob manuh ke bhal elaj thiboli lage”, tai aro koishe.
Add Comment