Toronto, 1 August : Ben Shelton easily harai disey Adrian Mannarino-ke 6-2, 6-3 Canadian Open laga opening match-te aru third round te reach kuri lusey.
65-minute laga itu jeet logot, Shelton laga ATP Masters 1000 event-te 25th jeet hoise. 22 bosor laga itu American player, juntu PIF ATP Rankings te aji tak laga career-high No. 7 te ase, tai last 10 match te 8 jeet lusey. Fourth-seeded Shelton 90 percent (28/31) first-serve points jitise aru duita break point defend korise, ATP Stats hissaap te. Itu hoise Frenchman laga opposite third ATP meeting te tai laga prothom jeet.
Next match te, Shelton mukabla koribo 25th seed Brandon Nakashima-logot, juntu Ethan Quinn-ke 7-6(6), 6-4 harai disey. Shelton Toronto-te tai laga prothom Masters 1000 title jitor try te ase, aru aji tak ATP Live Race To Turin te ninth position te ase, juntu tai laga Nitto ATP Finals debut target ase etu saal.
Aage te, Andrey Rublev bhi Hugo Gaston-ke 6-2, 6-3 harai disey aru hard court te tai laga 250th jeet record korise. 27 bosor laga Rublev laga winners-to-unforced errors count hoise 19-17, aru tai third round te reach korise. Sixth seed Rublev last year ATP Masters 1000 final te pahuchi lusey, juntu te tai Alexei Popyrin logot haar khaisey. Etia Rublev tai laga second title season te jitor try koribo ase, juntu te tai next match 28th seed Lorenzo Sonego logot khelibo.
Aru Wednesday laga ekta match te, Canadian player Gabriel Diallo bhi third round te reach korise Masters 1000 event-te second time karone. Diallo harai disey Matteo Gigante-ke 6-3, 7-6(5), aru second set laga tie-break te 3/5 thaka pora comeback kori jeet lusey.
Add Comment