Bengal Flood nemite 3 Lakh manuh dukh te ase

Kolkata: Thursday din dak te West Bengal te flood howa halat toh besi beya thakishe, hoilebi itya paani pura toh komti hoishe, koikena senior state government official para khobor toh janaishe. Paani pura nemite manuh morikena thaka toh 23 te ase aro itya dak te manuh mora notun khobor nai. 7 districts te sob melaikena 3 lakh manuh khan ke rescue centres te loikena jaishe koishe. “etu flood halat toh besi beya te ase, ami khan para halat toh sai ase aro hoshari kam toh besi bhal para saiase aro etu oper te drinking water, dry food packets aro medicines supply thi-ase,” koikena officials para khobor toh janaishe. Itya dak te 7 districts pithor te 4 lakh hectares agricultural land toh paani pithor te ase. Olop hafta oper para paani besi kera nemite paani dams toh Purba and Paschim Bardhaman, Paschim Medinipur, Hooghly, Howrah, South 24 Parganas and Birbhum districts te besi jama hoikena ase. Thursday din te 24,000 cusec paani toh Maithon dam, Damodar Valley Corporation para jarishe aro etu jaga toh itya normal hoikena ase, koikena DVC officials para janaishe. Wednesday din Chief Minister Mamata Banerjee para Prime Minister Narendra Modi logot complained korishe ke, DVC para paani jara nemite halat besi beya hoikena ase. Hoilebi, DVC para koishe ke, tai khan para paani jara toh hoile the state government laga kotha hesab te kam kora ase etu nemite putnam thiboli eku matlab nai koishe.