Kolkata, June 30: West Bengal Governor pra ekta front khuli kina asey Trinomool Congress led state government upur, Kolkata lah Commissioner of Police kae hatai diwi koi kina, sources pra etu India Today TV kae koishey. Hoilibhi, etu Mamata Banerjee led government tho itya tak bhi tayar nohoi governor lah demand upur maniwoley, party sources pra etu koishey. Chief Minister Mamata Banerjee lah letter ekta dae, Governor Bose pra Commissioner of Police Vineet Kumar Goyal kae hatai diwoley lah demand kurishey, sources pra koishey. Governor lah hisab pra, etu Kolkata Police pra ekta office nishina control room panai kina asey Raj Bhavan lah osor dae, kutu taikhan Governor lah office pra permission lua nai. Governor pra suspect kurey ki state government tho Raj Bhavan dae survelliance kuri asey hoina. Hoilibhi surces pra koi ki Trinammol congress government pra bisas kurey ki etu tho ekta routine stste police office asey kutu piula governors lokot dae bhi thakishey.
May 15, 2026
World's First and Only Nagamese Newspaper
