Bengal: Phase 4 Polls te security 900 Companies thakishe

Hooghly: West Bengal Assembly election laga 4^th phase toh April 10 darik te loboli ase, etu samai sob melaikena security forces toh 900 companies thakibo, koikena Friday din West Bengal laga Chief Electoral Office para junaishe. 5 district te sob melaikena 44 Assembly constituencies- Howrah, Hooghly, South 24 Parganas, Alipurduar aro Cooch Behar te election thakibo. Saturday din te 373 candidates khan election larai koribo. 9 Assembly seats- Howrah, 175 Hooghly’s 19 seats, 185 South 24 Parganas’ 11 seats, 105 coys Alipurduar te central forces toh 140 coys (companies) thakibo aro etu oper te Cooch Behar 9 seats nemite 188 ase. ‘security for cover postal ballot’ nemite 72 coys ahikena ase, ‘strong room security’ nemite 20 coys ase aro ‘monitoring post-poll’ nemite 15 coys ase. Singur, Chunchura, Domjur, Shibpur, Bhangor aro Jadavpur constituencies toh sensitive zones ase koishe. Sobse horu constituency toh 169-bally ase etu te 1,76,001 electorates ase aro chunchura tohsobse tangor constituency te 3,13,701 electorates ase koishe. NRI voters khan toh 34 ase aro first-time voters toh 2,63,016 ase. Sob melaikena 1,15,81,022 electorate ase, etu samai 15,940 polling stations thakibo aro 12,361 main aro 3,579 auxiliary ase koishe. West Bengal polls laga eight-phased te 1^st tinta(3) phase election kotom hoikena ase. Aro 44 Assembly seats nemite 4^th phase toh April 10 darik lobo. Election result toh May 2 darik te junai thibo.