Kolkata, 17 December : West Bengal laga Chief Minister Mamata Banerjee Tuesday din state laga Sports Minister Aroop Biswas laga resignation accept korise. Itu resignation Salt Lake Stadium te Argentine football star Lionel Messi laga event te management te lapse thaka karone moral responsibility loi diya pichete ahise.
Bengali te handwritten resignation letter te, Biswas koi dise ki Chief Minister retired judge pora head kora ekta probe committee form korise, juntu Calcutta High Court laga retired judge hoi ase. Investigation laga impartiality thakibo karone, tai state Sports Minister laga post pora resign kori dise.
Resignation letter te Biswas likhise, “Itu matter te apuni moi laga request approve koribo buli moi asha kori ase.” Biswas etiyao state laga Power Minister bhi hoi ase.
Meanwhile, Biswas cabinet te Power Minister hisab te kaam kori thakibo.
Add Comment