Bengal te Bihar police inspector ke moraishe

Kishanganj: Saturday pujur West Bengal te Bihar laga Kishanganj police station in-charge, Ashwini Kumar ke mob para moraishe koishe. Police team etu Pantapara bosti te pongchise aro etu manuh ke ghor case te thura laga ase koishe. Etu jaga toh Goalpokhar police station osor Bihar laga Kishanganj district te thakishe. Police official para koishe ke, SHO Ashwini Kumar toh Dheksara bosti te etu manuh logot thuriboli ahishe, police para investigate kora Sadar police station osor te bike chor kora cases nemite thakishe. Etu bosti te thaka manuh khan para koishe ke, etu manuh toh Pantapara bosti, West Bengal manuh ase. Police team toh bosti poncha samai locals khan para round korishe aro osor bosti para dosura manuh aro besi ahishe, etu beche police team khan nejor jaan bachaboli korishe. Hoilebi etu samai police station in-charge ke toh jaga te morai thishe koishe. Etu hamla kora khobor janai deya te, Purnia Inspector General of Police, Suresh Kumar Chaudhary para koishe ke, tai laga body toh police para othaikena post-mortem nemite loikena jaishe. Mora police officer toh Purnia district Janakinagar te thaka manuh ase koishe. Police khan etu jaga te jaishe aro Chaudhary para koishe ke, manuh khan ke thuriboli pesari ase koishe.