May 4, 2021. West Bengal laga Purba Bardhaman district te election results declare kora din te TMC aro BJP laga manuh pithor te larai koikena komti hoilebi 4 jun morishe koishe. Monday din te Trinamool Congress para koishe ke, tai khan tin(3) jun supporters ke BJP para moraishe. Jamalpur police station jaga osor Nabagram te konuba TMC supporters khan motorcycles te jai thaka samai BJP workers khan para Odishapara te hamla korishe, koikena khobor para janaishe. Tai khan be marishe aro bikes toh sob beya korishe, TMC para koishe. Jokom powa manuh khan ke alag-alag hospital te elaj nemite loikena jaishe. Shahjahan Shah (38)umer aro Bibhash Bag (30)umer ke Burdwan Medical College & Hospital loikena poncha samai morishe. Kakali Khsetrapal (47) umer toh be Jamalpur Hospital te loikena jowa samai te morishe, khobor para janaishe. TMC para koishe, Shahjahan aro Bibhash toh tai khan laga supporters thakishe. TMC para president Mehmood Khan ke block korishe aro koishe ke, “BJP workers khan para etu hamla kora toh bapana te thakishe aro jaga besi te jamila kori ase.” BJP para koishe, Kakali toh party supporter thakishe aro etu larai te morishe. “TMC manuh khan para ”Joy Bangla” aro ”Khela Hobe” koikena 11 am samai ahishe, tai khan para hamla korishe hoilebi ami khan takot thaka nemite pulai jaishe,” koikena Nabgram jaga laga BJP”s chief, Ashish Kshetrapal para janaishe. “olop thaka beche tai khan aro dosura rasta para ami laga ghor te ahikena ami laga ghor manuh ke hamla kora te ami laga ama morishe. Etu jaga osor te aro TMC supporters para 17-18 ghor neshina lootishe aro beya korishe. Ami laga papa aro uncle be hamla kora te jokom paishe,” tai para janaishe. Police para koishe ke, etu jamila aro larai te 23 manuh ke thurikena ase aro central sepai besi ahikena ase. Jamalpur police station laga officer para itya halat toh control te ase koikena janaishe. Sunday rathi dosura khobor ekta te Raina police station jaga osor Samaspur te TMC-BJP larai kora samai 55 umer manuh ek jun morishe.
Add Comment