Bengaluru bakeries kan deh cancer causing agents pai shae

October 4, 2024: Thursday din deh Karnataka government para ekta warning issue kuri shae, bakeries para bika alak alak 12 cake varieties deh harmful colouring agents pah piche deh, kuto cancer lokot deh linked ase.Karnataka laka food safety upor deh bishi mohina karne scrutiny kura piche deh, etu advisory tho aha ase. Advisory para agae deh b Rhodamine-B nishi nah artificial food dyes kan keh ban kuri di shae, kuto cotton candy nishi nah street food deh chui taki shae.“Mukan kun bah cake samples deh harmful, cancer-causing substances pai shae aro etu additives kan tho  Food Safety and Standards Act of 2006 pitor deh strictly regulated ase,” ekta senior government official para kui shae. Tai para bakeries kan safety standards kan lokot deh comply kuri bole lakeh kui shae, nahoileh action face kuri bo kui shae.