Bengaluru FC jetise Kerala Blasters logode

Agencies, 05 November: Monday din Jawaharlal Nehru Stadium jaga deh Bengaluru FC aro Kerala Blasters toh Indian Super League (ISL ) khela thakise. Etu time deh Benggaluru FC 2-1 score pora jeti lowah thakise. First half time deh Bengaluru FC laga khelari Sunil Chhetri pora 17^th minute time deh goal thala thakise. Hoilebe tai laga goal deh Slavisa Stojanovic pora 30^th minute time deh penalty goal thali kena eki score bonaideya thakise. Tuita team be 1-1 score pora draw hobo thaga ase. Hoilebe second half time deh Kerala Blasters laga khelari Nikola Krcmarevic pora nejor laga net deh galdi pora thala karni Bengaluru FC jetibole parise. Table deh NorthEast United top thaga 3^rd jaga deh namise aro Bengaluru FC toh etu par jeta karni 2^nd deh thaga top jaga deh ase. Kerala Blasters toh 6^th jaga deh ase. Tuesday deh Pune City aro Chennaiyin FC toh Shree Shiv Chhatrapati Sports Complex jaga deh khelibole ase.