Bengaluru te plastic paint machine blast te 6 jun jokom

June 7, 2021. Kempegowda International Airpor Bengaluru, second terminal osor te explosion hoikena kotmti hoilebi 6 jun jokom paishe. Khobor hesab te Monday din te molten plastic paint machine te hoishe. 6 jun kam kora pithor te Ajay Kumar aro Siraj toh besi beya para 40 per cent neshina julishe, koikena airport police para janaishe. Dosura manuh khan toh Avinash, Goutam, Prashanth, Nagesh, ke Victoria Hospital te adimitted korishe. Police praa koishe ke, kam kora manuh khan toh thermoplastic road marking machine te zebra crossing aro signages toh airport terminal joea rasta te lakaboli nemite bona samai hoishe. Jui toh kenaka olaishe nejani, hoilebi investigation hesab te paint para jui toh olaishe bapana ase. “saman komti thaka nemite paint toh mix kora samai jui thurikena blast kora neshina ase” koikena police para janaishe. Kam kora manuh khan hala kora nemite Security guards khan jaikena hospital te loijaishe”, police para koishe. Etu jui accident toh airport’s second terminal bana samai puila saal te besi hoikena ase. Police para koishe ke, company logot kam kora manuh nemite safety nakora nemite complaint registered korishe. Kempegowda International Airport toh India te 3^rd sobse tangor ase aro etu jaga te garden terminal T2 koikena 2019 saal para passenger besi othi-thaka samai March 2020 te bemari ola nemite lockdown korikena ase. Etu terminal te trees, gardens aro ponds toh ase. Hotai saal 25 million passenger khan perai ase koishe. Terminal design kora toh Bengaluru ‘Garden City’ koishe.